Lirik Lagu Eno Viola feat. Tomy Bollin - Dorak Dorai

Tarantang tali hei si juek juek hei
Urang manggaro oi kanduang di tangah sawah
Batenggang kami hei kok indak dapek hei
Baitu bana roda sadang di bawah

Alah si kanduang si dorak dorai
Rami lah urang di tangah balai
Alah si kanduang si bungo rampai
Dek lamo hiduik banyak dirasai

Baitu bana hei luluahnyo padi hei
Bia den tabang oi kanduang si galu galu
Baitu bana hei rusuahnyo hati hei
Indak lah ado oi kanduang urang nan tau

Alah si kanduang si dorak dorai
Jauah bajalan banyak basuo
Alah si kanduang si bungo rampai
Indaklah untuang disasa juo

Music #Rap

Ujuang lah gadiang hei jambatan gantuang hei
Kawek tarantang oi kanduang nan kasubarang
Raso kaputuih hei hati jo jantuang hei
Di dalam tangan oi kanduang diambiak urang

Alah si kanduang si dorak dorai
Baitu bana kironyo suratan badan
Alah si kanduang si bungo rampai
Buruak jo elok kito tangguangkan

Music #Rap

NOTICE : Jika masih ada lirik yang kurang benar silahkan Anda hubungi admin melalui halaman contact atau langsung WA 085203781053