Title : Andi Putir Busu Artist : Budi P Songwriter : Budi P Production : May Sheilla Category : Karungut Dayak Ngaju Kalteng
Lirik Andi Putir Bus - Budi P
Palus lembut bahing kandayu Pahayak pasim tuhan je ngambu Hapan ku narusan je lawang kuwu Manggarak atei andi putir busu
Hetuh aku munduk manimang Riwut manampuh je baun tunggang Uka mambuka je kunci lawang Manggarak atei andi tajahan huang
Balaku tagarak atei muh andi Tahaseng inarik palus ingunci Nduan hambayang je bawi nyai Putir busu pintar harati
Amun andi mambuka mata Inyewut ku uras asal tampara Katurunan adam ewen ndue hawa Tagarak atei andi intan garinda
Balaku andi hingkat bagulung Hayak tagarak je huang itung Palus tabuka je kancing karung Kahalap andi jatun eka tindung
Aku kakam manyampai huang Manderuh tiruh mu busu pandang Mangat mahining je tandak timang Kakam dumah harun bara tumbang
Mudahan andi bajeleng misik Ateiku kakam puna tatarik Kahalap andi kanjeran usik Pahayak nahiau kacapi kalasik
Kahandak ku andi manggarak ikau Manderuh tiruh mu bawin kariau Hajamban karungut kacapi mahiau Tabe na andi salamat hasundau
Andi hingkat je bujur buah Aku kakam handak bakesah Kilau anak jata manuah Pasi aku je harun dumah
Kapasi andi kabuat melai Batiruh malis kapuh bahalai Aku kakam tuh harun sampai Tabe na andi kambang sarunai
Hayal tiruh muh busu andi Tiruh ngabuat ampim asi asi Hindai atun manyarurui biti Baya mamangkut gaguling hai
Lalau tiruh muh putir busu Melai kabuat je pasi tutu Balaku pasim hatala ngambu Tau mamambai kalunen aku
Hayal tiruh muh busu pandang Tiruh muh malis dia gagampang Amun tau manumun huang Mamambai bereng aku pangarang
Iyuh andi je bawi nyai Akan tanggeran tuah razaki Bandingan kain takuluh kudi Pantas kaleka basarah diri
Kahalap andi dia langena Bandingan kilau je bawin jata Bacahaya ampin intan permata Tagarak atei je jagau linga
Awi kahalap dia laluen Jatun tandingan intu kalunen Angat atei dia bareken Ela sampai tindar kan beken
Mangat andi manumun auh Akan bahatam menter batiruh Salamat hambilang andi bawi mantuh Andau jewu aku kakam masuh
Kanjeran tiruh mu busu andi Mahining peteh kakam ilihi Aku handak paramisi buli Hajambat kilat lading balati
Kilau te helu karungut ingumang Tahiu andi je busu pandang Amun malayau je atei huang Tau mantehau hambaruan layang
Tikas tuh bewei kambangan lagu Panyundau ku melai je lewu keju Tarewen nampayah je putir busu Marusak atei kalunen aku
Mohon maaf bila ada kesalahan dalam penulisan lirik dan lain sebagainya. Terimakasih atas kunjungan Anda yang telah membaca Lirik Lagu Budi P - Andi Putir Busu. Silahkan bagikan juga ke teman anda.