Malinteh kijang dibaliak
Urang manembak diateh kudo
Buruak lagu tuan dicaliak
Bamakan tabu jo ureknyo
Sagalonyo tuan parambiak
Saketekpun indak basiso
Manyemba siburuang alang
Ayam kinantan kinilah lapeh
Kok makan ndak kanyang-kanyang
Ma ambiak ndak pueh-pueh
Ndak cukuik jo punyo surang
Punyo urangpun tuan kureh
Oi tuan angkuah usah di pakai
Pancarian ndak ka dibaok mati
Elok-elok laku kok baparangai
Jan sampai urang manjadi banci
Oi tuan usah kalamak surang
Hiduik tenggang-manenggang
Dinan sampik balapang-lapang
Lamak diawak katuju diurang