Yo malang ba ayam putiah Dek tali di tangan urang Kukuaknyo tadanga dari subarang Di sangko kasiah ka buliah Den taganggam bayang-bayang Kironyo ba iriang kawan jo urang
Dek manuruik kato hati Raso tak ka lapeh lai Lah di bibia rasonyo tapi cawan Tapi lain nan tajadi Nyato sudah kieh mimpi Lah baungkai sagalo janji-janji
Raso ka lamak racun den pandang Dangka tampaknyo lurah nan dalam Den baruik dado kok lai ka sanang Batambah rusak raso di dalam
Bialah dicubo mambujuak hati nan ko Nak jan sampai pacah tangih di dalam dado Bayang nan marupo jauahlah dari mato Jan di seso juo sudu hati nan luko