Sinangih lauak rang tiku
Di atua jo ujuang pandan
Manangih duduak dipintu
Malapeh uda pai bajalan
Putiah pucuak limau kapeh
Tampak nan dari kida jalan
Putiah mato nan malapeh
Ibo hati nan bajalan
Ba laia biduak ka pulau pagai
Mambao muatan lado mudo
Di lahia kito bacarai
Di batin batamu juo
Reff:
Pucuak pauah sularo pauah
Pandan di rimbo laduang laduang kan
Denai jauah, uda pun jauah
Bilo rindu samo tangguang kan
Aua di tanam batang tumbuah
Tumbuah di parak sigumanti
Asa lai hati samo sungguah
Kariang lautan kito nanti
Alang alang si malin deman
Bari ba ikua ba kapalo
Siang digilo angan angan
Malam dimabuak mimpi pulo
Siang digilo angan angan
Malam dimabuak mimpi pulo
