Selamat hari gawai
Di tuju ku ngagai semua
Enda ngira biak tuai
Sama sama di pebasa
Bala ibu enggau aya
Benung kiruh beintu utai
Kena ngenah pamakai
Ungkup sida ke ngabang gawai
Mayuh utai pakai
Bantai sida diruai
Perut lapar amai
Nyau enda berasai
Aku ngambi penuh pinggai
Bala kaban sebana
Enda ulih pulai gawai
Ketegal pengawa jauh di menua ribai
Sinu ngenang apai indai
Anang tusah ati
Enda ulih enggau berami
Ila taun dudi enggau kami bebuti
Sampal ngabang hari gawai
