Samuik nan jauah adiak tapandang
Gajah nan dimuko mato balupokan
Baitulah denai ko padiah manangguang seso
Antah dianggap apo nan salamoko
Apo gunonyo buruang ditabangkan
Jikok kakinyo taikek ka sarang
Baitulah denai ko acok manangguang malu
Ibaraik luko baukia jo sambilu
Lah denai rasokan sakik den manimbang
Batahan apo denai lapehkan
Lah talampau padiah diri den manangih
Lah hilang raso di dalam hati
Usahlah adiak bakato sayang
Jikok denai masih adiak sio siokan
Dayuang lah patah kini
Biduak lah lamo tirih
Den rila adiak pai mamungkia janji
Sagalo habih
Sabalun adiak baganti cinto
Jalehkan hubungan antaro kito
Tibo nan tampak muko
Pai nan tampak pungguang
Putuihkan sajo cinto bialah luko
Denai manangguangnyo
