Ditampih bareh ditampih
Si atah bia ndak tabuang
Rasaki indak ka abih
Asa kan badan lai ka sanang
Talupo tolong ingekan
Tasasek tunjuakan juo
Kok tasuo sanang dek kawan
Kito jan sampai buruak sangko
Sasayuik mato mamandang
Lauik tantu ado tapinyo
Kini susah isuak ko sanang
Giliran kito pasti tibo
Digaro padi digaro
Nan masak jatuah badarok
Kok buruak tasuo juo
Samo mamintak ka nan elok
