Asa mulo badan kalarek
Dek ulah bansaik rangko juo
Badan sapantun biuak ketek
Rintang dilamun ombak sajo
Badan sapantun biuak ketek
Rintang dilamun ombak sajo
Lah den cubo manantang badai
Manuju pulau nan dicinto
Antah bilo mukasuik sampai
Ombak batambah gadang juo
Antah bilo mukasuik sampai
Ombak batambah gadang juo
Niaik hati yo nak kapulau
Dihampeh riak jo galombang
Disiko hati mangko risau
Biduak tak mungkin kasubarang
Disiko hati mangko risau
Biduak tak mungkin kasubarang
Nan kok Tuhan lai ka mambari
Tanangkan riak jo galombang
Nak nyo sampai niaik di hati
Salamaik badan kasubarang
Nak nyo sampai niaik di hati
Salamaik badan kasubarang
Baca juga: Lirik Lagu Bakasiak Mato Mamandang - Tigo Mandayo